Kidung Ciwagni


AGNI HOMA YADNYA



Ginada

  1. Agni homa mangkin katurang
Pemargine sedih kingkin
Sampun suwe tan kacrita
Ring treta yugane sampun
Duk prabu Sang Dasarata
Ngawentenin
Yadnya suci Agni Homa

  1. Kapuput antuk Brahmana
Ida mraga wiku suci
Parab ida Rsias Srengga
Putra kamesti rahayu (Homa nunas putra)
Digelis ratune mobot
Embas raris
Rama Laksmana Brata Satrugna

  1. Homa ring Bali pulina
Danghyang Markendeya nguni
Ngawentenang homa yadnya
Maserana panca datu
Emas perak timah tembaga
Miwah besi
Abune raris katanem (tolangkir/ besakih)

  1. Ring Gelgel mangkin katurang (D.Waturenggong)
Kapuput Brahmana jati
Hyang Dwijendra Hyang Astapaka (Hyang Nirarta)
Agni murub umahe/genahe puun
Sang prabu raris ngandika
Ngawit mangkin
Homane kagentos pasepan

Durma

  1. Agni homa matiosan ring pasepan
Ring homane japa utami
Japa gayatri utama
Gayatri sarwa dewata
Yadnya suci kalintang luwih
Rajaning yadnya
Ngardi jagat bagia shanti

Ginada

  1. Homa kasurat ring Weda
Slokantara lontar tantri
Ramayana mahabharata
Sutasoma taler mungguh
Sila krama niti sastra
Roga sengara bumi
Taler manawa darma sastra

  1. Srana kaanggen ring homa yadnya
Panca amerta wijen samagri
Kayu don poh lan cendana
Jati bingin majagau
Kapulaga sarwa puspa
Selasih miik
Panca datu ne utama

Sinom

  1. Ajegang homa punika
Yadnya suci lan sujati
Semalih irit utama
Majeng maring Dewa Agni
Sinamian ngaturang bakti
Dewa Dewi katurang tedun
Kaping ajeng Sri Ganesha
Maparab Hyang Ganapati
Taler katur
Dewa tri murti sinamian

  1. Brahma Wisnu Maheswara
Saktin ida makasami
Micayang wara nugraha
Ring umate makesami
Sanghyang Aji Saraswati
Durga Laksmi taler katur
Dewa Kumara sinamian
Putran Hyang Shiwa Parwati
Majeng Ratu
Rahajeng jagate samian

2 komentar:

Langganan: Posting Komentar (Atom)